ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә
Тамбов Сабан туе Уваров районы оешуга 90 ел тулуга багышлана

Хәвеф-хәтәр

Юл һәлакәтендә зыян күргән кызны Йошкар-Оладан Казанга алып кайталар

17 ноябрь 2017, 15:51

Кыз авыр хәлдә, ул ясалма сулыш алу аппаратына тоташтырылган.

(Казан, 17 ноябрь, «Татар-информ», Валерия Белова). Якын арада юл-транспорт һәлакәтендә зыян күргән 14 яшьлек кызны алырга Татарстаннан Йошкар-Олага Гражданнар оборонасы һәм гадәттән тыш хәлләр министрлыгы борты очачак, дип хәбәр иттеләр “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән.

Татарстаннан оча торган бортта республика сәламәтлек саклау министрлыгының өч белгече дә барачак.

«Татар-информ» мәгълүмат агентлыгына ТР Сәламәтлек саклау министрлыгы матбугат сәркатибе Айгөл Сәлимҗанова хәбәр иткәнчә, коточкыч юл һәлакәтендә зыян күргән 14 яшьлек кызны Казанга Балалар республика клиник хастаханәсенә озатачаклар.

Зыян күргән кыз ясалма сулыш алу аппаратына тоташтырылган.

Исегезгә төшерәбез, әлеге кыз Йошкар-Ола – Козьмодемьянск юлында «Мерседес» микроавтобусы белән агач ташучы «КАМАЗ» машинасы бәрелешендә зыян күргән иде. Һәлакәттә 15 кеше үлде, дүртесе хастаханәгә озатылды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10