ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Бүген Рөстәм Миңнеханов Калининградта эшлекле сәфәрдә була
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә

Җәмгыять

Россиялеләр сәламәтлек саклау өлкәсендәге төп проблемаларны атады

17 ноябрь 2017, 15:06

Октябрь аенда үткәрелгән сораштыруда 1,2 мең кеше катнашкан.

(Казан, 17 ноябрь, «Татар-информ»). Россиялеләр медицина ярдәмен озак көтү, хастаханәләрдәге чиратлар, тиешле җиһазларның булмавы, даруларның җитмәве һәм табибларның үз вазифаларын тиешенчә башкармавын сәламәтлек саклау өлкәсендәге иң актуаль проблемалар дип саный. Бу хакта «Известия» хәбәр итә.

Әлеге мәгълүматлар Бөтенроссия җәмәгатьчелек фикерен өйрәнү үзәге тарафыннан үткәрелгән сораштыру барышында билгеле булган.

Респондентларның яртысыннан артыгы (56 процент) мәҗбүри медицина иминияте полисы буенча ярдәм сорап мөрәҗәгать иткән чагында чиратта озак утырулары хакында белдергән.

42 проценты муниципаль хастаханәләрдә шартларның уңайлы булмавын билгеләп үткән, ә 40 проценты дарулар һәм җиһазлар җитмәвенә зарланган.

Шуның белән бергә, респондентларның 52 проценты Россия сәламәтлек саклау системасын – тискәре яктан, бары тик 37 проценты гына канәгатьләндерерлек дип бәяли.

Сораштыруда катнашкан кешеләрнең 35 проценты сыйфатсыз хезмәт күрсәтә торган хастаханәләрнең баш табибларын эштән җибәрергә, ә 25 проценты бәйсез оешмалар тарафыннан медицина учреждениеләрен контрольдә тотарга кирәк дип саный.

Октябрь аенда үткәрелгән сораштыруда 1,2 мең кеше катнашкан.

Октябрь ахырында Россия сәламәтлек саклау министры Вероника Скворцова 2017 елда табибларның уртача хезмәт хакы 52,9 мең сум тәшкил итүе хакында хәбәр иткән иде. Аның сүзләренчә, 2012 елдан әлеге күрсәткеч 48 процентка арткан.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10