ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Бүген Рөстәм Миңнеханов Калининградта эшлекле сәфәрдә була
Татарстан умартачылары бал уңышын җыя башлады
Р.Миңнеханов Эчке эшләр министрлыгы хезмәткәрләрен полициягә 300 ел тулу белән котлады
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә

Спорт

Алда торган уеннарда хәлне үзгәртергә тиешбез – Магомед Оздоев

17 ноябрь 2017, 13:18

«Рубин» командасы ярымсакчысы, футболчылар тырыша, команда «кара полоса»дан гына котыла алмый, дип саный.

(Казан, 17 ноябрь, «Татар-информ», Фәрит Салихов). 18 ноябрьдә Тулада «Арсенал» командасына каршы уенга әзерлек уңаеннан үткәрелгән ачык күнегүләр вакытында «Рубин» клубы уенчысы, ярымсакчы Магомед Оздоев алда торган матчтан ни көтүе хакында җиткерде.

«Тәнәфесне һәр кеше үзенчә кабул итә. Тыгыз графиктан соң, берничә көн ял бирелгәнлектән, тәнәфестә бераз ял итеп алырга җай чыга. Тулаем алганда, без яхшы гына эшләдек, хәзер һәр уенда һәр очко өчен көрәшәчәкбез», – диде Магомед Оздоев.

Футболчы фикеренчә, чемпионатта команда һөҗүмчеләренең уеннарда гол кертә алмавы – вакытлы күренеш.

«Күнегүләр вакытында голлар кертәләр, уеннарда да кертә башларбыз, дип ышанам. Голлар һәрвакыт җиңелдән бирелми. Шуңа да һөҗүмчеләргә, ярымсакчыларга акланырлык сәбәп эзләргә кирәкми. Команда белән эшләгәндә, нәтиҗә дә булачак», – ди уенчы.

Аның сүзләренчә, нәтиҗәгә ирешә алмау системалы проблема түгел.

«Минем уйлавымча, без «кара полоса»га кердек. Мөмкинлекләр бар, голлар гына кертергә кирәк. Якындагы матчларда голлар кертә башларбыз, дип уйлыйм. Килеп туган хәлне үзгәртергә тиешбез», – диде Магомед Оздоев.

Сүз уңаеннан, 16 турдан соң «Арсенал» 23 очко белән 7 нче, 19 очкосы булган «Рубин» 10 нчы баскычта бара. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10