ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Фән һәм мәгариф

Дөнья чемпионаты узуга бәйле рәвештә май ахырыннан тулай торакларны бушата башлаячаклар

17 ноябрь 2017, 13:01

Россия мәгариф һәм фән министры Ольга Васильева МИСиС милли технология университеты студентлары белән аралашкан вакытта шул хакта хәбәр итте.

(Казан, 17 ноябрь, «Татар-информ»). Россия мәгариф һәм фән министры Ольга Васильева студентларга, алар яшәгән тулай торакларга хокук саклау органнары хезмәткәрләрен урнаштыруга бәйле рәвештә, 2018 елда узачак дөнья чемпионаты вакытында аларның ничек укыячагын аңлатты. Бу хакта Интерфакс агентлыгы хәбәр итә.

«Уку программаларының вакыты күчереләчәк, аның сезгә зыяны тимәячәк, инде май ахырыннан тулай торакларны бушата башлаячаклар – барысы да уйланган һәм килештерелгән», - диде Васильева МИСиС милли технология университеты студентлары белән аралашкан вакытта.

Ул ачыклык керткәнчә, дөнья чемпионатында куркынычсызлыкны тәэмин итү өчен тулай торакларны гадәттәгедән алдарак бушату күздә тотыла. Шуңа бәйле рәвештә, кайбер төбәк вузларында уку елы иртәрәк төгәлләнәчәк.

Моңа кадәр РФ Мәгариф һәм фән министрлыгында студентлар дөнья чемпионаты вакытында үзләре яшәгән тулай торакларга хокук саклау органнары хезмәткәрләрен урнаштыру нәтиҗәсендә зыян күрмәячәк, полиция вәкилләре җәен буш торган бүлмәләрдә яшәячәк, дип белдергәннәр иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10