ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Татарстан Президенты Испания Корольлегенең Россиядәге Илчесе белән очрашачак
Чирмешәндә сарыкларны "электрон көтүче" саклый
Рөстәм Миңнеханов "Автодор" башлыгы белән Татарстан юллары турында сөйләште
Хәләл сәүдә кагыйдәләрен бозган өчен, "Челны-мясо"да хәләл продукция җитештерү туктатыла
"Татар кызы-2018" республика сайлап алу турының җиңүчесе билгеле

Мәдәният

Айдар Фәйзрахманов үзенең авторлык программасын тәкъдим итә

16 ноябрь 2017, 16:56

Концерт бүген Г.Тукай исемендәге Татар дәүләт филармониясендә 18:30 сәгатьтә башлана.

(Казан, 16 ноябрь, «Татар-информ», Рузилә Мөхәммәтова). Бүген Россиянең атказанган, Татарстанның халык артисты Айдар Фәйзрахманов үзенең “Алып калыр өмет...” дип исемләнгән авторлык программасын тәкъдим итә.

Концерт Г.Тукай исемендәге Татар дәүләт филармониясендә була һәм 18:30 сәгатьтә башлана. Программа 22 ноябрьдә кабатланачак.

Айдар Фәйзрахмановның “Алып калыр өмет...” авторлык әдәби-музыкаль композициясе үткән сезонда чыккан “Олы юл әйтте...” циклының дәвамы. Программа Айдар Фәйзрахмановның нигездә үзе язган җырларыннан төзелгән. Артист сәхнәдән яраткан шагыйрьләре Рөстәм Мингалим, Мөдәррис Әгъләм, Илдар Юзеев шигырьләрен сөйләячәк.

Филармониянең матбугат үзәге хәбәр итүенчә, “Алып калыр өмет” концертында Татарстанның атказанган артистлары Филүс Каһиров, Айгөл Хәйри, Алинә һәм Азат Кәримовлар, Сиринә Зәйнетдинова, Рөстәм Насыйбуллин, Илгиз Мөхетдинов; Татарстан Республикасы фольклор музыкасы дәүләт ансамбле (сәнгать җитәкчесе – Айдар Фәйзрахманов), “Мирас” инструменталь ансамбле (сәнгать җитәкчесе – Татарстанның атказанган артисты Рөстәм Рәхмәтуллин), Халыкара конкурслар лауреатлары Екатерина Коврикова (фортепиано), Ильяс Камал (виолончель) катнаша.

“Татар-информ” мәгълүмат агентлыгына әлеге концертны онлайн күрсәтәчәк. Онлайн карау өчен сылтама - http://tatar-inform.tatar/internet-tv/131/
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10