ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Хәвеф-хәтәр

Биектау районында йөк машинасының ни сәбәпле януы ачыкланды

16 ноябрь 2017, 10:49

Янгынның мәйданы 17 квадрат метр тәшкил иткән.

(Казан, 16 ноябрь, «Татар-информ»). Биектау районында йөк машинасының ни сәбәпле януы ачыкланды. Бу хакта «Татар-информ» агентлыгына Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтеннән хәбәр иттеләр.

Шунысын да искәртик: кичә көндез 112 ашыгыч хезмәтләрне чакыру бердәм номерына М7 трассасының 808нче чакрымында Тверь өлкәсе номерлары куелган «Мерседес» зур йөк машинасына ут кабуы хакында хәбәр килә.

Урынга 5нче һәм 113нче янгын-коткару хезмәтләре янгын сүндерүчеләре, күзәтчелек эшчәнлеге дознавателе килә.

Ут белән көрәшүчеләр янгынны 11 минут эчендә сүндерә. Йөк машинасы 17 квадрат метр мәйданда тулысынча янып бетә.

Янгынның сәбәбе – транспорт чарасының система механизмнары төзек булмавында. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10