ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Иран җанатарлары “Казан-Арена”дагы матчка әзерләнә
Инстаграмда Гүзәл Яхинаның шәхси бите ачылды
Казан, җанатарларны бәлеш белән сыйлап, Дөнья чемпионаты шәһәрләре бишлегенә керде
Владимир Путин Россия – Мисыр матчын карамаган
Россельхознадзор: Татарстанда ветеринария документларының 99 проценты электрон форматта

Мәдәният

Биш-ун елдан музейларда эшләүче калмаска мөмкин – мәдәният министры

15 ноябрь 2017, 09:43

Музей хезмәткәрләренең күпчелеге 50 яшьтә.

(Казан, 15 ноябрь, “Татар-информ”, Чулпан Шакирова). Татарстан Республикасы Мәдәният министры Айрат Сибагатуллин кичә Питрәчтә узган күчмә утырышта музей хезмәткәрләренә кытлык булуын зур басым ясап әйтте.

Выездной комитет ГС РТ по образованию, науке и национальным вопросам

“Китапханәләр белән беррәттән, халыкка ачык һәм якын тагын бер мәдәни үзәк ул – музейлар. Музей үз эченә берничә функцияне ала: ул фәнни һәм мәгариф үзәге дә, белем бирү учреждениесе дә, төрле иҗтимагый җыен һәм очрашулар үткәрү урыны да. Музейлар кирәк. Әмма музей сферасында кадрлар кытлыгы җитди проблема булып кала бирә. Авыл музейларында буш вакансияләр булмаса да, хезмәткәрләрнең уртача яше 50 гә җитеп килә. Бу исә – 5-10 елдан кадрлар җитмәячәк дигән сүз. Берничә елдан музейда эшләргә кеше калмаска мөмкин.

Выездной комитет ГС РТ по образованию, науке и национальным вопросам

Министр сүзләренчә, әлеге өлкәдә яшь кадрларны җәлеп итү юлларын табарга кирәк.
Айрат Сибагатуллин фикеренчә, бу өлкәдә тагын бер проблема – район музейларында экспозиция мәйданнары җитешмәү.
“Республиканың 22 музеенда (24 %) фондлар саклау өчен мәйданчыклар юк. Шулай ук муниципаль музейларның күп өлеше музей фонды һәм музей күргәзмәсе булдыруда норматив документларга җавап бирми”, – диде министр.

Исегезгә төшерәбез, кичә Питрәч районында Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты күчмә утырыш уздырды. Разил Вәлиев җитәкчелегендәге депутатлар иң элек Кощаково, Карповка һәм Шәле авылы мәдәният йортлары белән танышты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10