ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Путин Португалия башлыгы Марселу Ребелу де Соуза белән очрашты
Иран җанатарлары “Казан-Арена”дагы матчка әзерләнә
Инстаграмда Гүзәл Яхинаның шәхси бите ачылды
Казан, җанатарларны бәлеш белән сыйлап, Дөнья чемпионаты шәһәрләре бишлегенә керде
Владимир Путин Россия – Мисыр матчын карамаган

Рәсми Татарстан

Президент һәм Финляндия илчесе Green торак комплексының беренче ташын салуда катнаша

15 ноябрь 2017, 08:26

Торак комплексны YIT фин төзелеш концернының бүлендек оешмасы башкарачак.

(Казан, 15 ноябрь, «Татар-информ»). Татарстан Президенты Рөстәм Миңнеханов һәм Финляндия Республикасының Россиядәге Гадәттән тыш һәм вәкаләтле вәкиле Микко Хаутала Казанның Совет районындагы Green торак комплексының беренче нигез ташын салуда катнаша.
Торак комплексны YIT – ООО «ЮИТ Казань» фин төзелеш концернының бүлендек структурасы башкарачак.

Таш салу чарасында төбәк һәм шәһәр хакимияте, төзелеш өлкәсенә караган министрлык һәм ведомство вәкилләре катнашачак.

Төзелеш өчен җаваплы оешма планы буенча, Green торак комплексына төрле биеклектәге 6 йорт, кибетләр һәм офис биналары белән паркинг, янында мәйданчыгы булган балалар бакчасы һәм төзекләндерелгән яр буе керә.

“Молодежный” торак комплексы территориясен проектлау планы буенча, башка участокларны төзү барышында торак комплекс янәшәсендә мәктәп һәм тагын бер балалар бакчасы төзелер, дип көтелә.

Исегезгә төшерәбез, бу көннәрдә республикага эшлекле сәфәр белән фин бизнесы һәм Суоминың рәсми даирәсеннән бер төркем вәкил килде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10