ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
Дөнья чемпионатында Россия җыелмасы Мисыр командасын җиңде
Казандагы ФИФА җанатарлары фестивале мәйданы Россия-Мисыр матчын караучылар белән тулды
Төрекмәнстанда күпхатынлылыкны тыялар
Аккош күлендә Сабан туе милли көйләр һәм футболны берләштерәчәк
Татар чыгышлы язучы Сана Вәлиуллина "Ясная поляна" әдәби конкурсы номинанты булды

Җәмгыять

Татарстан делегациясе парижлыларга “Сарайлар һәм мәчетләр” маршрутын тәкъдим итте

14 ноябрь 2017, 16:21

Әлеге яңа юнәлеш маршруты җиде көнгә исәпләнгән һәм ул Казан белән Санкт-Петербургның мәдәни объектларын берләштерә.

(Казан, 14 ноябрь, “Татар-информ”). Парижда туристик индустриянең махсуслашкан тематик күргәзмәсендә Татарстанның туризм буенча дәүләт комитеты яңа төбәкара “Сарайлар һәм мәчетләр” туристик маршрутын тәкъдим итте. Бу хакта комитетның матбугат хезмәте хәбәр итә.

Әлеге чара 9 - 11 ноябрь көннәрендә узды. Татарстанның шәхси стендында төбәкнең туристик мөмкинлекләре күрсәтелде. Шулай ук күргәзмәдә катнашучылар милли ризык – чәк-чәктән авыз итте.

Яңа төбәкара “Сарайлар һәм мәчетләр” туристик маршруты Россиянең ике туристлык үзәген - Санкт-Петербург һәм Казанны бер универсаль продукт итеп берләштерә. Ул эшне Санкт-Петербургның туризмны үстерү буенча комитеты һәм Татарстанның туризм буенча дәүләт комитеты ике якның да туроператорлары белән бергә башкарган.

Маршрут җиде көнгә исәпләнгән һәм ул чит ил туристын күзаллап эшләнгән: кунаклар бер сәяхәттә данлыклы урыннарны һәм дөнья мирасы объектларын күрә алачак.

Яңа маршрут тәкъдим ителгән чарада 1,4 мең агент һәм туроператорларның 800 халыкара партнеры катнашкан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10