ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Зәйдәге торак йортта газ шартлауның башлангыч сәбәбе билгеле булды
Рөстәм Миңнехановка Зәйдәге гадәттән тыш хәл турында соңгы мәгълүматлар хәбәр итеп торыла
Зәйдә газ шартлаган йорттан кешеләрне күчерделәр
22 июньнең төп вакыйгалары - фото һәм сылтамалар
Әтнә авыл хуҗалыгы техникумы быел 47 механик әзерләп чыгара

Фән һәм мәгариф

456 татар теле укытучысы яңадан әзерлек узарга теләк белдергән

14 ноябрь 2017, 15:19

Чаллы һәм Казанда оештырылган курсларда уку вакыты 250 сәгать тәшкил итәчәк.

(Казан, 14 ноябрь, «Татар-информ», Наталья Рыбакова). ТР Мәгарифне үстерү институтына Татарстанның төрле муниципалитетларындагы татар теле укытучыларыннан яңадан әзерлек үтү буенча 456 гариза килгән.

«ТР Мәгариф һәм фән министрлыгы дәресләре кимүгә бәйле рәвештә проблемалары килеп туган татар теле мөгаллимнәре өчен яңадан әзерлек курслары оештыра», - дип хәбәр итте ТР Мәгарифне үстерү институтының укыту-методик бүлеге башлыгы Гөлнара Гафурова.

Чаллы һәм Казанда оештырылган курсларда уку вакыты 250 сәгать тәшкил итәчәк. Педагоглар теләсә кайсы фәнне (рус теле, тарих, география һ.б.) сайлый ала. Шунысын да искәртик: Татарстан Президенты Рөстәм Миңнеханов, ТР Дәүләт Советы утырышында чыгыш ясап, бер генә татар теле укытучысы да эштән кыскартылмаячак дип белдергән иде. «Уку чиреге башланды, безнең тарафтан карар кабул ителде – бер генә мөгаллим дә эштән җибәрелмәячәк. Моның өчен һәр мәктәптә юл карталары бар», - диде ул.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10