ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Икътисад

Бензин бәясе рекордлы дәрәҗәгә җитте

14 ноябрь 2017, 11:08

Монополиягә каршы федераль хезмәт фаразлавынча, якындагы 10 елда Россиядә ягулык бәяләре инфляциягә караганда тизрәк артачак.

(Казан, 14 ноябрь, «Татар-информ»). Россиядә бензинны күпләп сату бәясе ноябрь уртасында рекордлы дәрәҗәгә җитте, дип яза «Российская газета».

Әйтик, 7-13 ноябрь көннәрендә АИ-92 маркалы бензинның тоннасы – 42 мең 850 сум (2,3 процент), АИ-95 маркалы бензинның тоннасы 44 мең 990 сумга (1,7 процент) күтәрелде. Санкт-Петербург халыкара товар-чимал биржасы мәгълүматлары әнә шундый.

Бәяләр «Газпром нефть»нең Мәскәү нефть эшкәртү заводындагы бер җайланмасы эштән туктау аркасында арткан. Ул ноябрь урталарында яңадан эшли башларга тиеш, дип яза «Коммерсант».

Монополиягә каршы федераль хезмәт фаразлавынча, якындагы 10 елда Россиядә ягулык бәяләре инфляциягә караганда тизрәк артачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10