ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Зәйдәге торак йортта газ шартлауның башлангыч сәбәбе билгеле булды
Рөстәм Миңнехановка Зәйдәге гадәттән тыш хәл турында соңгы мәгълүматлар хәбәр итеп торыла
Зәйдә газ шартлаган йорттан кешеләрне күчерделәр
22 июньнең төп вакыйгалары - фото һәм сылтамалар
Әтнә авыл хуҗалыгы техникумы быел 47 механик әзерләп чыгара

Спорт, Дин

Чирмешәндә мөселман яшьләре хоккей буенча ярышты

14 ноябрь 2017, 09:00

Район үзәгендә төзелүче Мөшбикә мәчете кубогына үткән республика хоккей ярышларында Чирмешән командасы беренче урынны яулады.

(Чирмешән, 14 ноябрь, “Татар-информ“, “Безнең Чирмешән“, Гөлсирә Шәрифуллина). Чирмешәндә мөселман яшьләре хоккей буенча ярышты. Район үзәгендә төзелүче Мөшбикә мәчете кубогына үткән республика хоккей ярышларында Чирмешән командасы беренче урынны яулады. Казан спортчылары – икенче, Яр Чаллы хоккейчылары өченче урында, лип яза җирле басма.

Ярышларда барлыгы алты районнан җиде команда (Чирмешәннән, Казаннан, Яр Чаллыдан, Түбән Камадан, Мөслимнән һәм Әлмәттән ике команда) көч сынашты.

-Традицион ислам айлыгы барышында Чирмешәндә хоккей буенча турнир уздыру матур гадәткә әверелде, - ди муниципаль район башлыгы киңәшчесе Әмир Могыйзов. – Ярышларда уенчыларның мөселман булуы таләп ителми. Безнең төп бурыч -төрле милләт вәкилләре арасында дуслыкны ныгыту, яшьләрне спортка тарту, сәламәт яшәү рәвешен пропагандалау. Форсаттан файдаланып, бу бәйгенең барлык чыгымнарын күтәргән, Чирмешәннең Амур ягында әниләре хөрмәтенә мәчет төзетүче бертуган Әгъләмовларга рәхмәтемне җиткерәм.

Боз сараенда узган турнирда Чирмешән командасыннан Алмаз Әхмәтҗанов – иң яшь , Илшат Гатин иң олы уенчылар иде. Мөслимнән Самат Камалов -“Иң яхшы капкачы”, Яр Чаллыдан Вадим Мирговаям -“Иң яхшы капитан”, Казаннан Марат Нурмиев -“Иң яхшы һөҗүмче”, Әлмәттән Эдуард Багаев “Иң яхшы уенчы” буларак танылдылар, бүләкләр тапшырдылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10