ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Эльмир Низамов Чемпионатка багышлап “Футбол тубы” җырын язган
Татарстан Иҗтимагый палатасының яңа әгъзалары билгеләнде
Чаллыда ике яшьлек кызын ачлыктан интектергән анага штраф салганнар
Татарстан депутатлары Яшьләр эшләре һәм спорт министрлыгын үзгәртү тәкъдимен хуплады
Дәүләт Советында, каникулга кадәр, язгы сессиянең соңгы утырышы башланды

Татар дөньясы

Үзбәкстанда танылу алган татар шәхесләре энциклопедиясен булдыру ниятләнә

13 ноябрь 2017, 20:18

"Бу эшне башкарып чыгу мөмкин, әмма әзер энциклопедияне бастыру финанс чыгымнар сораячак", – ди татар үзәге вәкиле Руслан Хәкимҗанов.

(Ташкент, 13 ноябрь, "Татар-информ", Алсу Исмәгыйлева). Ташкентның татар иҗтимагый-мәдәни мәгърифәтчелек үзәге вәкилләре Үзбәкстанда танылу алган, биредә югары вазифага ирешкән татар шәхесләре энциклопедиясен әзерләячәк. Бу хакта "Татар-информ" хәбәрчесенә үзәкнең идарә әгъзасы Руслан Хәкимҗанов хәбәр итте.

Үзбәкстандагы күренекле татар шәхесләре энциклопедиясен төзү идеясе үзәкнең соңгы утырышында тәкъдим ителгән. Хәзерге вакытта бу эшне башкарачак төркем туплана, аны Үзбәкстан Республикасы фәннәр академиясенең тарих институты галиме Ренат Шиһабетдинов җитәкләр дип көтелә. Мәгълүмат җыюда Ташкент татар иҗтимагый-мәдәни мәгърифәтчелек үзәге вәкилләре дә катнашачак.

"Бу эшне башкарып чыгу мөмкин, әмма әзер энциклопедияне бастыру финанс чыгымнар сораячак", – ди Руслан Хәкимҗанов.

Үзбәкстан татарлары арасында зур танылу алган шәхесләр – Олимпия чемпионы Руслан Нуретдинов, Татарстанның атказанган артисты, Үзбәкстан милли телерадиокомпаниясе журналисты Рәйхан Мәннәпова, Татарстанның һәм Башкорстанның атказанган артисты Фирүзә Халдарова, җырчы Мансур Урмеев һәм башкалар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10