ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казан триатлоны-2018 якшәмбе көнне башкала үзәгендә узачак
Семипалатта татар сәнгать мәктәбе бинасын булдыруда Татарстан ярдәм итәчәк
17 июльнең төп вакыйгалары - фото һәм сылтамалар
Себер татар яшьләре фестивале узачак көннәр билгеле
Президент Югары урбанистика мәктәбе студентларының проектларын уңай бәяләде

Җәмгыять

Шикәр чире килеп чыгуда гинекологик авыруларның да роле бар – галим

13 ноябрь 2017, 18:28

Шикәр авыруына бирешергә мөмкин булган 6 төркем аерып чыгарылган.

(Казан, 13 ноябрь, “Татар-информ”, Чулпан Шакирова). Шикәр чиренә бирешергә мөмкин төп 6 куркыныч төркем бар. Бу хакта бүген “Татар-информ”да узган матбугат очрашуында медицина фәннәре докторы, Казан дәүләт меицина университетының терапия һәм гаилә медицинасы кафедрасы мөдире Александр Поздняк әйтте.

“Рәттән һәр кеше шикәр чире килеп чыгуына юлыкмаска да мөмкин. Шулай да килеп чыгу ихтималы зур булган төркем бар. Беренчедән, бу – нәселдәнлек. Беренче тип шикәр чире дә, икенче төре дә нәселдән килергә мөмкин. Монда өстәп шуны әйтә алам: әгәр кешенең әнисе яки әбисендә әлеге авыру булып, ул гомер буе дөрес туклана, сәламәт яшәү рәвеше алып бара икән, 50 яшьтә ул барыбер шикәр чире белән очрашачак. Нигә, диярсез? Бүгенге көндә генетика – рискның төп факторы. Икенчедән, симерү. Моның өчен углевод алмашын һәрвакыт контрольдә тотарга кирәк. Өченчедән, шикәр авыруы белән очрашкан һәр пациент йөрәк-кан тамыры авыруы белән очрашкан кеше. Бигрәк тә артериаль гипертониядән интегүчеләр арасында икенче тип шикәр чире арту очраклары күзәтелә. Дүртенчедән, липид алмашу бозылган кешеләр. Андый кешенең, гадәттә, холестерины югары була. Бишенче төркем, тугандагы авырлыгы 4 яки аннан да артыграк килограмм булган хатын-кызлар. Алтынчыдан, “синдром поликистозных яичников” диагнозы куелган хатын-кызлар да шикәр чиренә тизрәк бирешә, – диде галим.

Пресс-конференция "Проблема сахарного диабета"

Бу уңайдан ул, шикәр чире куркынычын киметү яки вакытында ачыклау максатыннан, Америка диабетиклары ассоциацисе тәҗрибәсен билгеләп үтте.

“АКШ табиблары 45 яше тулган кешеләргә углевод алмашын тикшереп, “гликированный гемоглобин”ны һәм кандагы шикәр күләмен ачыкларга куша. Без моны мәҗбүр итә алмыйбыз, әмма тикшеренү зыянга түгел, файдага”, – диде доктор.

Исегезгә төшерәбез, 1992 елдан башлап, 14 ноябрь – Бөтендөнья шикәр чиренә каршы көрәш көне буларак билгеләп үтелә. Бүген “Татар-информ” мәгълүмат агентлыгы шул уңайдан матбугат конференциясе уздырды. Анда Казан дәүләт медицина университеты галимнәре катнашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10