ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Айгиз Баймөхәммәтовның яңа китабы геройлары арасында Татарстан язучылары да бар
Зәй сусаклагычында агым алып киткән үсмерләрне коткарганнар
Азнакай яучылары ялгызлар өчен үзәк булдырырга җыена
Салават Фәтхетдинов үзе белән сөйләшүче журналистларның үзеннән акыллы булуын тели
Татарстанда кеше үтерү буенча җинаятьләр бөтенесе диярлек ачылган

Дин

Чистайда балалар арасында Коръән укучылар бәйгесе узды

13 ноябрь 2017, 15:58

Бәйгедә Чистай, Нурлат, Аксубай һәм Яңа Чишмә районнарыннан килгән вәкилләр җиңү яулады.

(Казан, 13 ноябрь, «Татар-информ»). Чистай шәһәре яшьләр үзәгендә балалар арасында Коръән укучылар төбәк бәйгесе узды, дип хәбәр итә Татарстан Диния нәзарәтенең матбугат хезмәте.

Конкурста Чистай, Әлки, Нурлат, Спас, Алексеевск, Яңа Чишмә районнарыннан килгән яшь катнашучылар көч сынашты. 90 бала Аллаһы Китабын укуда белемнәрен күрсәтте.

Бәйге «Әнәс» мәчете имам-хатыйбы Әбүбәкер хәзрәтнең Коръән укуы һәм Аллаһы Китабы турында кызыклы фактлар турында кыска видеоролик карау белән башланып китте. Чараның төп өлеше башлангач, балалар бер-бер артлы сәхнәгә чыгып, Коръән укыды.

Чистай районы имам-мөхтәсибе Мөхәммәд хәзрәт Кыямов, катнашучылар алдында чыгыш ясап, Коръән укучылар конкурсын уздыруның әһәмиятенә тукталды.

Бәйгедә җиңүчеләр түбәндәге номинацияләр буенча билгеләнде: 3-6 яшьлекләр (кызлар һәм малайлар), 7-10 яшьлекләр (кызлар һәм малайлар), ярты җүздән күбрәкне белүче балалар (кызлар һәм малайлар).

Нәтиҗәдә, Коръән укучыларның төбәк турында Чистай, Нурлат, Аксубай һәм Яңа Чишмә районнарыннан килгән вәкилләр җиңү яулады.

Конкурсның тантаналы өлешендә барлык катнашучыларга грамоталар һәм Мөхәммәд салләллаһу галәйһи вә сәлләмнең хәдисе язылган бокаллар тапшырылды.

Чистай мөхтәсибәте һәм Мөселман яшьләре берлеге әлеге чарага ныклап әзерләнгән иде. Яшьләр үзәге бинасында төрледән-төрле мастер-класслар оештырылды, кечкенәләргә рәсем ясау әсбаплары тапшырылды, викторина үткәрелде. Шулай ук Коръәннең борынгы басмалары һәм «Нур» мәчетенең тарихи фотоларын үз эченә алган күргәзмә эшләде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10