ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Архив

Универсиада проспектын һәм Оренбург трактын тәртипкә китерүгә 230 миллион сум бүленгән

13 ноябрь 2017, 10:11

Әлеге урамнарда яшел зоналарга автомат су сиптерү җайланмалары урнаштырылды, 3 меңнән артык агач, 27 мең төп куак утыртылды.

(Казан, 13 ноябрь, «Татар-информ», Диана Авакян). Универсиада проспектын һәм Оренбург трактын тәртипкә китерүгә 230 миллион сум акча бүленгән. Шәһәр башкарма комитетында узган эшлекле дүшәмбе киңәшмәсендә Тышкы төзекләндерү комитеты рәисе Игорь Куляжев шул хакта хәбәр итте.

«Әлеге урамнарда башта тавыштан саклый торган экраннар кую күздә тотылган иде. Әмма эскиз проектын тикшерү барышында эстетик мохит тудыру өчен әлеге урамнарны яшелләндерү һәм комплекслы төзекләндерү турында карарга килдек. Нәтиҗәдә, биредә яшел зоналарга автомат су сиптерү җайланмалары урнаштырылды, 3 меңнән артык агач, 27 мең төп куак, 25 мең күпьеллык үсемлек утыртылды, 5 гектарда газон ясалды», – дип сөйләде Куляжев. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10