ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр
Чиләбедә Татар халык театры яңадан эшли башлады

Спорт

Татарстанда Казан Кремле кубогына көрәш турниры уздырырга була – Равил Ногуманов

11 ноябрь 2017, 12:52

Россия көрәш федерациясе вице-президенты татар көрәшен төбәкләрдә үстерү буенча планнары белән уртаклашты.

(Кунгур, 11 ноябрь, "Татар-информ", Фәрит Салихов). "Көрәш Идел буе федераль округының Татарстан, Башкортстан, шулай ук Пермь, кайбер Себер төбәкләрендә киң таралган. Милли спорт төребезне һәр төбәктә таныту өчен, бүгенге "Урал кубогы" кебек ярышларны күбрәк уздырырга кирәк", – Россия көрәш федерациясе вице-президенты Равил Ногуманов "Татар-информ" хәбәрчесенә шундый фикер җиткерде.

"Урал кубогы"н күрсәтү турниры дип тә атарга була. Мондый турнирлар аша безнең танылу арта. 50 меңләп халкы булган Кунгурда, мәсәлән, әлеге турнирны оештырырга теләк белдереп йөрүче шәхесләр бар. Безгә башка шәһәрләрдә дә башлангыч булдырырга теләк белдергән кешеләрне табарга кирәк. Еллар узган саен турнирлар саны арта икән, татарча көрәш буенча спортчыларның осталыгы да арта, безгә башка көрәш төрләре белән мавыгучы спортчылар да тартылачак", – диде Равил Ногуманов.

"Татар-информ" хәбәрчесенең, әлегедәй спорт остасы исемен бирә торган Россиякүләм турнирны Татарстанда да оештырып булмыймы, дигән соравына Равил Ногуманов: "Әлеге тәкъдимне исәпкә алырбыз. Татарстанда көрәш буенча җирле турнирлар бик еш уза, Дөнья чемпионаты һәм Дөнья кубогына ярышлар үткәне бар. Шул ук вакытта, нишләп әле Татарстанда, әйтик, Казан Кремле кубогына көрәш ярышы уздырмаска?! Тәкъдим бар икән, без теләктәшлек белдерергә риза", — диде.

Пермь крае Кунгур шәһәрендә көрәш буенча "Урал кубогы" ярышлары дәвам итә


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10