ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Россиядә үсмерләр катнашында җинаятьләр саны кимүе күзәтелә

10 ноябрь 2017, 22:23

Агымдагы елның 9 ае нәтиҗәләре буенча балигъ булмаганнар тарафыннан 31 мең 985 җинаять кылынган.

(Казан, 10 ноябрь, «Татар-информ»). Вице-премьер Ольга Голодец Россиядә агымдагы елның гыйнварыннан сентябрьгә кадәр яшүсмерләр катнашында җинаятьләр саны 20 процентка диярлек кимүен белдергән. Бу хакта “Интерфакс” яза.

Аның сүзләренчә, узган ел шулай ук яшүсмерләр катнашындагы җинаятьләр саны кимүе күзәтелгән. Бу 2016-2017 елларда “берникадәр үзгәреш” турында сөйли.

Бу күрсәткеч буенча имин булмаган төбәкләр дә бар. “Андыйлар рәтенә үсмерләр катнашындагы җинаятьләрне киметүгә юнәлдерелгән ныклы үзгәрешләр булмаганнар керә. Алар – Магадан өлкәсе, Карелия Республикасы, Смоленск өлкәсе һәм Тыва Республикасы. Теге яки бу сәбәпләр аркасында бу төбәкләрдә вазгыять тотрыксыз кала”. – дигән вице-премьер.

Агымдагы елның 9 ае нәтиҗәләре буенча балигъ булмаганнар тарафыннан 31 мең 985 җинаять эшләнгән, узган ел бу сан 39 мең 872 тәшкил иткән, дип ачыклык кертә Голодец.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10