ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

Югары Ослан районында Казан-Ульяновск-Кама Тамагы автомобиль юлы вакытлыча ябыла

10 ноябрь 2017, 15:14

Автомобиль юлының 15,2 чакрымнан башлап 22,5 чакрымына кадәр участогы ябыла: бу чорда биредә металлдан барьер коймаларны үзгәртеп кую планлаштырылган.

(Казан, 10 ноябрь, “Татар-информ”). Татарстанның Югары Ослан муниципаль районында 13 ноябрьдән алып 5 декабрьгә кадәр Казан-Ульяновск-Кама Тамагы автомобиль юлы транспорт хәрәкәте өчен вакытлыча ябыла, дип хәбәр ТР Транспорт һәм юл хуҗалыгы министрлыгы матбугат хезмәте.

Автомобиль юлының 15,2 чакрымнан башлап 22,5 чакрымына кадәр участогы ябыла. Бу чорда биредә металлдан барьер коймаларны үзгәртеп кую планлаштырылган.

Урап узу өчен машина йөртүчеләргә төбәк әһәмиятендәге “Шеланга авылына керү юлы” автомобиль юлы тәкъдим ителә. Тиешле юл билгеләре белән урап узу схемасы Татарстанның ЮХИДИ идарәсе белән килештерелгән. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10