ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Татарстанда җиңел машина поездга бәрелеп, дүрт кеше һәлак
Бүген Казанның өч районында ут булмаячак
Милли киемнәр дизайнеры Флера Калмурзина вафат
15 июльнең төп вакыйгалары - фото һәм сылтамалар
Мөселман балалар Сабан туе батыры билгеле булды

Фән һәм мәгариф

Арча районында 500 урынга исәпләнгән яңа мәктәп ачылды

9 ноябрь 2017, 13:44

Рөстәм Миңнеханов Instagram социаль челтәрендә яңа мәктәптәге татар теле дәресеннән видео урнаштырды.

(Казан, 9 ноябрь, «Татар-информ»). Арча районында 500 урынга исәпләнгән 6нчы гомумбелем бирү мәктәбе ачылды. Биредә балалар федераль дәүләт белем бирү стандартлары кысаларында беренче сыйныфтан тугызга кадәр татар телендә укыячак. Татарстан Президенты Рөстәм Миңнеханов Instagram социаль челтәрендәге үз аккаунтында яңа мәктәптәге татар теле дәресеннән видео урнаштырды.

Республика башлыгы сүзләренчә, Татарстанда 5 ел эчендә 926 мәктәпкә капиталь ремонт үткәрелгән. Арча мәктәбе быел республикада ачылган дүртенче яңа белем учагы булды. Татарстанда мәктәпләр федераль үзәк ярдәмендә төзелә, дип искәртте Президент. Ул шулай ук киләсе елда республикада тагын 5 яңа мәктәп сафка басачагын, балалар бакчаларын төзекләндерү эшләре дәвам итәчәген әйтте.

Яңа мәктәп укучылары Татарстан Президентын милли биюләр һәм җырлар белән сәламләде. Рөстәм Миңнеханов шулай ук ачык дәрестә булды.

Тантананың концерт өлешендә укучылар шигырьләр укыды, Президентка, министрга һәм барлык җитәкчеләргә рәхмәт белдерде.

Новую школу на 500 мест  открыли в Арском районе
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10