ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Мошенник “кармагына“ эләккән чирмешәнле 22 мең сум акчасыннан колак каккан
Саба һәм Теләче районнарыннан 15 егет Россия Кораллы Көчләренә хәрби хезмәткә китте
Чирмешән мәктәпләре укучылары 85 тонна макулатура, 7 тонна пластик савыт-саба җыйган
Яңа Чишмә районы хуҗалыкларында савым арта
Менделеевскида чыгарылыш балы датасы билгеле

Җәмгыять

Әтнә районының Чембулат авылында котыру авыруы табылган

8 ноябрь 2017, 22:00

Әлегә урамда карантин игълан ителде.

(Әтнә, 8 ноябрь, “Татар–информ”, “Әтнә таңы”). Соңгы мәгълүматларга караганда, Чембулат авылында котыру авыруы теркәлгән, дип яза җирле матбугат.

Бу хакта беренче чиратта Яңа Шашы авыл җирлеге җитәкчесе Марат Сабирҗановтан сораштык.

– Булды андый хәл. Чыганагы песи булган дигән фикергә килдек, – диде ул.

Бу хәл буенча районның ветстанция җитәкчесе Рөстәм Һашимов та аңлатма бирде.

– Котыру авыруы авылның кечкенә генә бер урамында теркәлде. Әлегә урамда карантин игълан ителде. Бу урамдагы терлекләргә укол кададык, ә песинең авыру булуы лаборатория тикшеренүләре аша расланды, – диде ул.

Җитәкчедән авыруның песигә ничек иярүен дә сораштык. Аның җавабы күпләр өчен яңалык булыр, мөгаен.

– Авыруны төп таратучының берсе – тычкан. Песи авыру тычкан тотып йоктырган, күрәсең, –ди баш мал табибы.

Авыру чыганагы табылып карантин игълан ителгәннән соң, билгеле бер вакыт узарга тиеш, ул шуннан соң гына Татарстан Президенты Указы нигезендә бетереләчәк. Шарты – котыру авыруының соңгы очрагыннан соң 2 ай вакыт узарга тиеш. Әлегә көтәргә кала... – диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10