ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Айгиз Баймөхәммәтовның яңа китабы геройлары арасында Татарстан язучылары да бар
Зәй сусаклагычында агым алып киткән үсмерләрне коткарганнар
Азнакай яучылары ялгызлар өчен үзәк булдырырга җыена
Салават Фәтхетдинов үзе белән сөйләшүче журналистларның үзеннән акыллы булуын тели
Татарстанда кеше үтерү буенча җинаятьләр бөтенесе диярлек ачылган

Татар дөньясы

Айсылу Галиева: "Без өйдә татарча аралашабыз, мәктәптә кирәкми" дигән сүз – ялгыш фикер ул

8 ноябрь 2017, 08:36

Филология фәннәре кандидаты фикеренчә, бала, мәктәптә татарча укымаса, русча фикер йөртә башлаячак.

(Казан, 8 ноябрь, "Татар-информ", Гөлнар Гарифуллина). Бала русча фикерләп тормыш алып бара икән, үз балалары белән татарча сөйләшә алмаячак. Өч бала анасы, филология фәннәре кандидаты Айсылу Галиева бу хакта "Татар-информ" мәгълүмат агентлыгына биргән интервьюсында билгеләп узды. Ул "Татар теле өйдә өйрәнелсә, шул җитә", дигән уй тарафдарларына карата үз фикерен белдерде.

 "Мин үзем бу әйбер аша уздым инде. Улым 1 нче сыйныфка укырга кергәндә, татар сыйныфы ачылмасмы, дип йөргән вакытта, рус әти-әниләреннән бигрәк, татар ата-аналары: "Нәрсәгә безгә татар теле, өйдә сөйләшәбез бит инде", - дип күтәрелеп чыктылар. Әгәр бала татар телендә укымый, әгәр мәктәптә 12-13 сәгать вакытын русча аралашып уздыра икән, ул рус телендә уйлый, фикерли башлаячак.

"Без өйдә татарча аралашабыз, мәктәптә кирәк түгел" дигән фикер – ялгыш фикер. Әгәр бала русча фикерләп тормыш алып бара икән, үз балалары белән татарча сөйләшә алмаячак. "Әника, әтика" дип кенә әйтүгә әйләнеп калачак. Ә аның балалары, гомумән, рус булачак. "Миңа татар теле кирәкми - татар концертларына йөрим, өйдә дә татарча сөйләшәм" дип әйткән ханым үзе үлеп киткәч, аш мәҗлесләрендә татарча дога кылырлык оныклары булмаячак инде аның", - дип билгеләп узды Айсылу Галиева.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10