ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Башкорт телен саклау һәм үстерү буенча попечительләр советын Рөстәм Хәмитов җитәкли

5 ноябрь 2017, 16:13

Фондны 50 млн сум чамасы акча белән тулыландыру, бу - башлангыч сан гына, ди Башкортстан башлыгы.

(Казан, 5 ноябрь, "Татар-информ"). Башкорт телен саклау һәм үстерү буенча яңадан төзелгән фондның попечительләр советын Башкортстан башлыгы җитәкләячәк. Бу хакта төбәк җитәкчесе Рөстәм Хәмитов ике бергәлекнең: республика халыклары Ассамблеясе һәм Халыкара килешү һәм тынычлыкны ныгытуга ярдәм итү мәсьәләләре буенча советның уртак утырышында җиткергән.

Искәртеп үтик, Фонд Башкортстан башлыгының дәүләт телләрен һәм республика халыклары телләрен үстерү чаралары турындагы Указы нигезендә төзелә.

“Фондны 50 млн сум чамасы акча белән тулыландыру, бу - башлангыч сан гына, - дип җиткергән Рөстәм Хәмитов. - Әлеге фонд башкорт теле үссен, югалмасын дип кайгыртучыларны берләштерә торган  үзәк булырга тиеш. Эш юнәлеше гаиләләрдәге, мәктәптәге, гомумән, җәмгыятьтәге эшчәнлеккә юнәлгән булырга тиеш”.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10