ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Хәвеф-хәтәр

Чаллыда ике бертуган 200 мең сумлык мотоцикл урлаган

3 ноябрь 2017, 09:24

Җинаятьчеләр транспорт хуҗасының битенә газ сиптергән һәм мотоциклга утырып качып киткән.

(Казан, 3 ноябрь, «Татар-информ»). Чаллыда ике бертуган 200 мең сумлык мотоцикл урлаган, дип хәбәр итә «Челнинские известия».

Мотоциклны Чаллы кешесе запас частьләрдән үзе җыйган була. 24 һәм 29 яшьлек егетләрне яшәгән урыннары буенча – Ульяновск өлкәсендә "кайнар эз"дән кулга алалар.

Кулдан җыелган мотоцикл сатылуы турындагы хәбәрне бертуганнар игъланнар сайты аша белә. Сатучы янына килгәч, алар анда йөреп килергә рөхсәт сорый. Бер әйләнеш ясагач, җинаятьчеләрнең берсе сатучының битенә газ сиптерә. Транспорт чарасының хуҗасы аңына килгән арада, алар җинаять урыныннан качып китә.

Егетләр үз гаебен таный. Мотоциклны хуҗасына кайтарып бирәләр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10