ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Россия Президенты Владимир Путин сәясәтчеләргә ышаныч рейтингында кабат беренче

2 ноябрь 2017, 13:56

Октябрь ахырына алынган мәгълүматар буенча, дәүләт башлыгына 52,5 процент Россия халкы ышана.

(Казан, 2 ноябрь, «Татар-информ»). Россия Президенты Владимир Путин кабат сәясәтчеләргә ышаныч рейтингын әйдәп бара. Октябрь ахырына алынган мәгълүматар буенча, аңа 52,5 процент Россия халкы ышана, дип хәбәр итә «Российская газета» Бөтенроссия җәмәгатьчелек фикерен өйрәнү үзәге (ВЦИОМ) сораштыру нәтиҗәләренә сылтама биреп.

«Сәясәтчеләргә ышаныч рейтингының беренче баскычында тотрыклы рәвештә Владимир Путин урнашкан (ай азагында аның күрсәткече 52,5 процентка җиткән). Икенче һәм өченче урынны Сергей Шойгу (19,2 процент) һәм Дмитрий Медведев (13,5 процент) алып тора», — диелә сораштыру нәтиҗәләрендә.

Ышанмау буенча лидер булып Владимир Жириновский калган.

Рейтинг «ВЦИОМ-Спутник» бөтенроссия сораштыру мәгълүматлары буенча төзелә. Мәгълүматлар телефон аша сораштыру уздырып җыела. Көн саен сораштыруда Россиянең 80 төбәгеннән 18 яшьтән өлкәнрәк 4200 респондент катнаша.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10