ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Хәвеф-хәтәр

Чаллыда кыска ялганыш аркасында мәктәпнең бер катында ут беткән, бинага төтен таралган

31 октябрь 2017, 15:41

Бинаның дүртенче катында урнашкан электр щиты бүлмәсендә кыска ялганыш килеп чыккан.

(Казан, 31 октябрь, «Татар-информ»). Чаллыда аерым фәннәр тирәнтен өйрәтелә торган 50 нче урта гомуми белем бирү мәктәбенең бер катында кыска ялганыш аркасында ут беткән, бинага төтен таралган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

112 ашыгыч хезмәтләрне чакыру бердәм номерына мәктәптә янгын чыгу турындагы хәбәр бүген 13.22 сәгатьтә килә. Урынга Чаллы янгын-коткару гарнизоны хезмәткәрләре юл тота. Бинаның дүртенче катында урнашкан электр щиты бүлмәсендә кыска ялганыш килеп чыгуы ачыклана. Нәтиҗәдә, бинаның дүртенче катында ут бетә.

Янгын сүндерүчеләр килгәнче, бинадан 35 кеше эвакуацияләнә, шуларның 30ы – балалар. Зыян күрүчеләр юк.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10