ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Казанда 2017 ел яшьләренә аталган 1982 елгы капсуланы ачтылар

30 октябрь 2017, 20:09

35 ел элек бөтенсоюз митингында беренче комсомол яшьләр төзелеш отряды МЖК-1гә яшьләргә аталган капсула тапшырылган булган.

(Казан, 30 октябрь, "Татар-информ"). 29 октябрь – комсомол туган көнендә Казанның 1нче торак комплексы яшьләреннән “2017 ел яшьләренә” аталган капсуланы ачтылар. Әлеге истәлекле вакыйгада Дәүләт Думасы депутаты Марат Бариев катнашты, дип хәбәр итте депутатның матбугат хезмәте.

35 ел элек, 1982 елның 29 октябрендә әлеге капсула киләчәк яшьләренә мөрәҗәгать белән бөтенсоюз митингында беренче комсомол яшьләр төзелеш отряды МЖК-1гә тапшырылган булган. Ә 1987 елның көзендә ул Казанның Гаврилов урамындагы 48нче йорт панеленә салына.

Парламентарий билгеләп үткәнчә, әлеге комплекс аның күз алдында үскән. 1986 елдан ул Казанда Ленин районы комсомол комитетында ВЛКСМның икенче сәркатибе булган һәм биредә эш барышын күреп торган.

Аның сүзләренчә, Казанның ул чор яшьләре үз куллары белән тулы бер микрорайон һәм социаль-мәдәни инфраструктура төзегән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10