ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Энгель Фәттахов Бөтендөнья татар конгрессының Милли Шурасы составыннан чыгарылды
20 июльнең төп вакыйгалары - фото һәм сылтамалар
Рөстәм Миңнеханов Путинга Универсиаданың спорт мирасын куллану турында сөйләде
Самара өлкәсе мәдрәсәсе чыгарылыш сыйныф укучыларын укырга чакыра
Рөстәм Миңнеханов Путинннан стадионнарда сыра сатарга рөхсәт итүне сорады

Авыл

Казанда авыл хуҗалыгы тармагының иң яхшы яшь хезмәткәрләрен котладылар

28 октябрь 2017, 15:54

"Алар ярдәмендә без авыл хуҗалыгы тармагында уңышларга ирешә алачакбыз”, – дип җиткерде бәйрәмдә Марат Әхмәтов.

(Казан, 28 октябрь, "Татар-информ, Надежда Гордеева). Бүген Татарстан Премьер-министр урынбасары – Татарстан авыл хуҗалыгы һәм азык-төлек министры Марат Әхмәтов Татарстан авыл хуҗалыгы хезмәткәрләре белән Казанның Игенчеләр сараенда очрашты. Биредә “Иң яхшы һөнәр остасы” республика бәйгесе җиңүчеләре бүләкләнде.

Подведение итогов конкурса

18-35 яшьлек конкурсантлар сигез номинация буенча теоретик белемнәрен һәм гамәли осталыкларын сынады. Быел бишенче тапкыр үткән бәйгедә 200 гаризадан 130ы сайлап алынган.

“Сез – безнең өметебез. Авыл хуҗалыгында эшләп, сез үз язмышларын әле билгели алмаганнарга үрнәк булып торасыз. Сезнең ярдәм белән без авыл хуҗалыгы тармагында уңышларга ирешә алачакбыз”, –дип җиткерде бәйрәмдә Марат Әхмәтов.

Подведение итогов конкурса

Ул министрлыктагы коллегаларына яшьләрне нәрсә борчуы, нинди авырлыклар белән очрашулары, нинди ярдәм кирәклеге турында белешүләрен сорады. “Безгә авылдагы белгечләрнең тормышларын анализлау кирәк”, – диде ул.

Бәйрәмнең бүләкләү тантанасында “Иң яхшы ветеринария табибы” номинациясендә Кама Тамагыннан Анна Әкбәрова, “Иң яхшы инженер-механик” номинациясендә Минзәлә районыннан Айдар Латыйпов танылды. “Иң яхшы зоотехник” – Нурлаттан Азат Җәләлов, “Иң яхшы агроном” – Кукмарадан Илназ Галәветдинов булды. “Иң яхшы механизатор” исемен Минзәләдән Николай Яковлев, “Иң яхшы машина белән саву операторы” исемен Кайбычтан Анастасия Сидорова яулады. Ә “Иң яхшы бозау караучы” номинациясендә беренчелек Балтачтан Наилә Гыйлметдиновада, “Иң яхшы бухгалтер-икътисадчы” исә – Елена Салатова булды.

Подведение итогов конкурса


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10