ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Хәвеф-хәтәр

Прокуратура «Туган тел»не җырлаган студентларны җаваплылыкка тарту хәбәрен кире какты

27 октябрь 2017, 12:46

Студентлар административ җаваплылыкка тартылмаган.

(Казан, 27 октябрь, «Татар-информ»). Татарстан прокуратурасы «Туган тел»не җырлаган Казан федераль (Идел буе) университеты студентларын җаваплылыкка тарту турындагы мәгълүматны кире какты. Бу хакта «Татар-информ» агентлыгына республика прокурорының өлкән ярдәмчесе Руслан Галиев хәбәр итте.

Төрле мессенджерларда Казан федераль (Идел буе) университеты студентлары җыелып, университет бинасы каршында татар телендә «Туган тел»не җырлаганнан соң, имеш, прокуратура аларны килешенмәгән митинг өчен җаваплылыкка тарткан дигән мәгълүмат таралды.

«Республика прокуратурасы органнарына әлеге очрак буенча материаллар килмәгән. Студентлардан беркем дә административ җаваплылыкка тартылмаган», – дип белдерде Руслан Галиев.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10