ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Альберт Кәримов Татарстан таможнясы хезмәткәрләрен һөнәри бәйрәмнәре белән котлады

25 октябрь 2017, 13:12

Татарстан сәнәгать һәм сәүдә министры билгеләп үткәнчә, таможня электән илнең икътисадый мәнфәгатьләре сагында торды.

(Казан, 25 октябрь, "Татар-информ"). Татарстан Премьер-министры урынбасары — Татарстан сәнәгать һәм сәүдә министры Альберт Кәримов республика таможнясы хезмәткәрләрен һәм ветераннарын һөнәри бәйрәмнәре белән котлады. Истәлекле көн бүген билгеләп үтелә. Бу хакта Татарстан сәнәгать һәм сәүдә министрлыгы матбугат хезмәте хәбәр итә.

"Татарстанның таможня хезмәткәрләре, алдынгы мәгълүмати технологияләрне кулланып, халыкара сәүдә үсешенә лаеклы өлеш кертә, алар дәүләтнең икътисадый иминлеген яклый, эчке базарны яшерен кертелгән товарлардан саклый", — диелә котлау текстында.

Альберт Кәримов идарә ветераннарына рәхмәт белдерде, ә хезмәткәрләргә уңышлар теләде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10