ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Татар дөньясы

"Татар кызы" бәйгесен оештыручылар конкурсантларның әби-бабаларына рәхмәт җиткерде

25 октябрь 2017, 10:39

Бәйгедә катнашучыларга бәя бирүдә төп критерийлар булып, аларның туган телне, гореф-гадәтләрне белүләре тора.

(Казан, 25 октябрь, "Татар-информ"). Кичә Уфада узган "Татар кызы - 2017" бәйгесенең финал ярышлары алдыннан журналистлар белән аралашканда да, соңыннан сәхнәдән тамашачыларга сүз әйткәндә дә бәйгене оештыручылар конкурсантларның әби-бабаларына рәхмәт җиткерде. Алар фикеренчә, татар кызларын бәйгедә катнашырлык дәрәҗәдә тәрбияләү – өлкән буын казанышы.

“Иң зур рәхмәтебез – кызларыбызның әти-әниләренә, әби-бабайларына, чөнки алар балаларын гореф-гадәтләр, тырышлык, гаиләне сөю мөнәсәбәтләрендә үстерә", – диде Татарстан РеспубликасыПремьер-министры урынбасары, Милли Шура рәисе Васил Шәйхразиев. Шушы ук фикерне Бөтендөнья татар конгрессы Башкарма комитеты рәисе Ринат Закиров та кабатлады.

"Татар кызы" бәйгесе дирекциясе җитәкчесе, Чиләбе өлкәсе татар конгрессы җитәкчесе Лена Колесникова белдергәнчә, бәйгенең төп максатларының берсе – буыннар чылбырын ныгыту. "Шушы максатыбызга ирешүебезне күрәбез, буыннан арасында элемтә чыннан да бар, – диде ул. – Бәйгедә катнашучы күп кызлар гореф-гадәтләргә әбиләреннән өйрәнгәннәрен әйтә".

Васил Шәйхразиев шулай ук төбәкләрдә кызларга белем биргән татар укытучыларына да рәхмәтен җиткерде.

Исегезгә төшерәбез, кичә бәйгенең финал этабында Россиянең төрле төбәкләреннән һәм Казахстаннан килгән 12 кыз көч сынашты. Аларны бәяләүдә төп критерийлар булып, аларның туган телне, гореф-гадәтләрне белүләре тора, дип аңлатты оештыручылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10