ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Мәдәният

Лениногорск халык театры премьерага һәм юбилейга әзерләнә

22 октябрь 2017, 23:00

Лениногорскидагы Рәшит Шиһап исемендәге халык театры оешуга быел – 60 ел.

(Лениногорск, 22 октябрь , “Татар-информ”, “Заман сулышы”).Лениногорск халык театрының бу көннәрдә вакыты тыгыз: зур юбилейга әзерләнә, яраткан тамашачысына премьера да әзерли, дип хәбәр итә “Заман сулышы” газеты.

Лениногорскидагы Рәшит Шиһап исемендәге халык театры оешуга быел – 60 ел. Шушы вакыт эчендә күпме спектакль куелып, халыкны рухи яктан баеткан, яңадан-яңа сәләтле артистлар сәхнәгә аяк баскан, гастрольләрдә йөреп, күпме озын юллар үтелгән. Театрның баш режиссеры Мәдинә апа Сафиуллина әйтүенчә, театрда җанын-тәнен биреп эшләүче артистлар гына әсәрне тулаем тамашачыга ачып бирә ала. Ул үзе дә 50 елдан артык театрда эшли, ул аның икенче өенә әйләнде инде.

Бай тарихлы театрның юбилеен Мәдәният сараенда, 25 октябрьдә билгеләп үтәчәкләр. Ул көнне артистлар “Әни исе” дигән премьера тәкъдим итәчәк. Әлеге премьера да өч буын артистлары катнаша. Мәдинә Сафиуллина, Рафис Сөләйманов, Флера Тәхаува кебек таныш артистлар белән беррәттән яңа исем – яшьләрне дә күрәчәкбез: Язгөл Хаева, Нияз Гәрәев. Театрның 60 еллыгына багышланган кичә 18.00 сәгатьтә башлана. Рәшит Шиһап исемендәге халык театрына яңа уңышлар теләп калабыз.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10