ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Спорт

Зәй көрәшчеләре көрәш турнирының җиңүчесе булып танылды

21 октябрь 2017, 12:54

Былтыргы чемпионнарның икесе генә үз титулын саклап кала алды.

(Казан, 21 октябрь, “Татар-информ”, Фәрит Салихов). Казанның «Ак Барс» көрәш сараенда Татарстан Республикасы Авыл хуҗалыгы һәм азык-төлек министрлыгы призына көрәш буенча республикакүләм ярышлар төгәлләнде.

Узган елгы чемпионнардан Илмир Төхвәтуллин (Балык Бистәсе) белән Сергей Павлик (Зәй) кына үз титулларын саклап кала алды. Калган биш авырлык үлчәвендә яңа батырлар пәйда булды: чемпион исеменә Фирзәр Гыйниятуллин (Теләче), Ислам Фәләхов (Алабуга), Ренас Кәлимуллин (Менделеевск), Раил Нургалиев (Теләче) һәм Радик Сәлахов (Зәй) лаек булды.

Командалар арасында беренче урынны Зәй районы көрәшчеләре яулады. Икенче урында – Теләче, өченчедә Кукмара районы командасы.

Исегезгә төшерәбез, быелгы турнирда 51 командадан 305 көрәшче бил алышты. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10