ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Татар дөньясы

Барнаул татарлары милли ризык пешерү ярышын уздырган

17 октябрь 2017, 21:15

Һәр команда вак бәлеш, кыстыбый, кош теле кебек татар халык ризыклары пешергән.

(Казан, 17 октябрь, "Татар-информ", Лилия Локманова). Барнаул шәһәрендә "Тәмле" дип исемләнгән татар милли ризыклары көне үткәрелгән. Əлеге чараны "Дулкын" татар мәдәни үзәге оештырды, дип хәбәр итә үзәкнең активисты Артем Зиннәтуллин.

Аның сүзләренчә, командалар токмач кисүдә ярышкан. Хөкемдарлар токмачның сыйфатын гына түгел, ә кисү тизлеген, командаларның бердәмлегенә дә игътибар иткән. Аннан соң һәр команда вак бәлеш, кыстыбый, кош теле кебек татар халык ризыклары пешергән.

Моннан тыш бәйгедә читтән торып та катнашып булган. Моның өчен өйдә татар халык ризыгы пешереп килү соралган. Бәйгедә катнашучыларның барысы да тиешле бәяләнде, ди Артем Зиннәтуллин. Ярыш җыр-биюләр белән үрелеп барган.

Чара азагында, мохтаҗларга ярдәм итү йөзеннән, хәйрия акциясе башлану хакында игълан ителгән. Ул ай азагына кадәр дәвам итәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10