ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Путин Португалия башлыгы Марселу Ребелу де Соуза белән очрашты
Иран җанатарлары “Казан-Арена”дагы матчка әзерләнә
Инстаграмда Гүзәл Яхинаның шәхси бите ачылды
Казан, җанатарларны бәлеш белән сыйлап, Дөнья чемпионаты шәһәрләре бишлегенә керде
Владимир Путин Россия – Мисыр матчын карамаган

Татар дөньясы

Искәндәр Гобәйдуллин: Туганнарым белән татар телендә аралашасым килә

17 октябрь 2017, 19:05

"Әти-әнием һәм туганнарымның сөйләшкәннәрен аңлыйсым килә", – ди курсларга йөрүче Искәндәр Гобәйдуллин.

(Казан, 17 октябрь, “Татар-информ”, Алмаз Шиһабетдинов). 15 октябрьдә Мәскәү шәһәре Мемориаль мәчетенең “Әл-Фатих” мәдрәсәсендә татар теле курслары ачылды. Татар теле курслары укучысы Искәндәр Гобәйдуллин “Татар-информ” хәбәрчесенә беренче дәрес турында һәм үзенең ни өчен шул курсларга язылуы турында сөйләде.

“Без татар теленең алфавитын һәм сөйләмне өйрәндек. Шулай ук бер-беребез белән таныштык, шигырьләр сөйләдек. Барлыгы 20ләп кеше иде. Хәтта, кызлар һәм егетләр саны бертигез булды, дип тә әйтеп була”, – диде ул.

Искәндәр Гобәйдуллин курсларга язылуның төп сәбәбе булып, әти-әнисе һәм туганнары белән татар телендә аралашырга теләве торуын әйтте.

“Туган телемне Мәскәүдә дә өйрәнеп булуы ошады. Мин туган телемне искә төшерәсем килә. Балачакта бары тик татар телендә генә сөйләшкәнмен, тик мәктәпкә укырга кергәч, туган телемне онытканмын. Әти-әнием һәм туганнарым белән татар телендә аралашасым, аларның нәрсә турында сөйләшкәннәрен аңлыйсым килә. Әлегә мин берничә сүз генә беләм, әмма күбрәк өйрәнгән саен телем күбрәк искә төшә”, – дип сөйләде Искәндәр.

Татар теле курсларында, телне белү дәрәҗәсенә карап, ике төркемдә дәресләр алып барыла. Атнага бер тапкыр уза торган дәресләрне татар теле белгече Эльмира Краснова алып бара.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10