ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
КФУ эксперты: Казанда яхшы һава торышы пәнҗешәмбегә кадәр сакланачак
Алексеевск районында җиңел автомобиль юл читенә очкан һәм әйләнеп капланган
Балыкчылар Лаеш районында елгада баткан чит ил автомобилен видеога төшергән
Россиядә чит илдән интернет аша әйбер сатып алган өчен пошлина кертергә мөмкиннәр
Чаллыда "Сабан туе гүзәле" җиңүчесенә нинди бүләк тапшырылачагы мәгълүм булды

Дин

Пановка колониясенә килеп эләккән француз кешесе ислам динен кабул иткән

17 октябрь 2017, 16:47

Франк Пиксоли колония мәчетенең имамы итеп сайланган.

(Казан, 17 октябрь, “Татар-информ”, Чулпан Шакирова). Питрәч районы Пановка авылындагы 2нче төзәтү колониясе тоткыны Франк Пиксоли ике ел элек ислам динен кабул иткән. “Француз милләтеннән булсам да, исламга килгәч, үземдә тынычлык таптым”, – диде ул “Татар-информ” хәбәрчесенә.

“Элек католик динен тоттым. Әмма ислам дине турында ишетеп белә идем, аның үзенчәлекләрен дә аңлый идем. Монда килеп эләккәч, ике ел элек, үз гомеремдә бик зур адым ясадым – ислам динен кабул иттем. Ул миңа моңа кадәр кылган хата-кимчелекләремнән арынырга, тәүбә кылырга, үз киләчәгемне төзергә ярдәм итә. Ислам дине – минем өчен тынычлык символы. Бу динне кабул иткәч, мин үземнең никадәр рухи яктан бай, бәхетле кеше булуымны аңладым", – диде Франк.

Посещение Муфтием Татарстана ИК-3

Яхшы укуы, үрнәк тәртибе өчен Франк Пиксолины “Рәхмәтулла” мәчетенең имамы итеп сайлаганнар. Ул хәзер мөселман булып та моңа кадәр дингә килергә курыккан татарларны дин юлына өнди, ислам дине тәгълиматларын тарата.

Франк Пиксоли Франциядә туып үскән. Франция гражданлыгы белән Казанда 22 ел яшәгән, җырчы булып эшләгән. Франк үз әтисен мөселман булган диде.

“Тагын бер елдан иреккә чыгам. Аннан соң үз илемә кайтырмын дип уйлыйм. Башка җырламыйм инде, мөселманнарга ул хәрәм. Алга таба дини юнәлештә белем алырга телим”, – диде Франк.

Исегезгә төшерәбез, бүген Татарстан мөфтие Камил хәзрәт Сәмигуллин Питрәч районы Пановка авылында урнашкан 2нче төзәтү колониясенең, “Рәхмәтулла” мәчетенә йөрүче дин кардәшләребез белән очрашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10