ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Айгиз Баймөхәммәтовның яңа китабы геройлары арасында Татарстан язучылары да бар
Зәй сусаклагычында агым алып киткән үсмерләрне коткарганнар
Азнакай яучылары ялгызлар өчен үзәк булдырырга җыена
Салават Фәтхетдинов үзе белән сөйләшүче журналистларның үзеннән акыллы булуын тели
Татарстанда кеше үтерү буенча җинаятьләр бөтенесе диярлек ачылган

Татар дөньясы

Польша татарлары Габдулла Тукай, Муса Җәлил, Фатих Кәрим шигырьләрен тыңлый

17 октябрь 2017, 13:14

«Кардәшләр» җәмгыятенең Калининград өлкәсе татарларын әдәби-музыкаль концерт оештыру өчен Польша Татарлары Берлеге чакырган.

(Казан, 17 октябрь, "Татар-информ"). «Кардәшләр» җәмгыятенең Калининград өлкәсе татарларын, чираттагы тапкыр мәдәни элемтәләрне үстерү максатыннан әдәби-музыкаль концерт оештыру өчен, Польша Татарлары Берлеге (Związek Tatarów Rzeczypospolitej Polskiej Oddział Bohoniki, җитәкчесе Лила Асанович) чакырган. Бу хакта Бөтендөнья татар конгрессы матбугат хезмәте яза.

Польша татарлары үз мәдәниятен һәм гореф-гадәтләрен саклау өчен күп тырышлык куя. Бу уңайдан,  татар телендә аралашучылар тарафыннан шигырьләр сөйләтү өчен, Калининградтан кунаклар чакырылган. Польша татарларына халык шагыйре Габдулла Тукай, герой шагыйрь Муса Җәлил, Фатих Кәрим шигырьләре тәкъдим ителгән. Әдәби-музыкаль кичәгә килүчеләрне шагыйрьләрнең кыскача биографиясе белән таныштырганнар. Танышу ахырында кунаклар Габдулла Тукайның татар халкының гимнына әйләнгән  «Туган тел» җырын башкарган.

Концертның икенче өлешендә калининградлыларда «Бунчук» вокал-бию коллективы (Tatarski Zespół Taneczno-Wokalny Buńczuk), Мария Хазбиевич һәм Роза Хазбиевич җитәкчелегендәге Татар мәдәни фонды (Fundacja Tatarskie Towarzystwo Kulturalne) катнашучыларының чыгышлары зур тәэсир калдырган. Алар татар җырлары башкарган, татарча биегән. «Бунчук» катнашучылары үз чиратында поляк шагыйрьләренең шигырьләрен укыган.

Чара татар ризыкларын авыз итү белән тәмамланган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10