ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
КФУ эксперты: Казанда яхшы һава торышы пәнҗешәмбегә кадәр сакланачак
Алексеевск районында җиңел автомобиль юл читенә очкан һәм әйләнеп капланган
Балыкчылар Лаеш районында елгада баткан чит ил автомобилен видеога төшергән
Россиядә чит илдән интернет аша әйбер сатып алган өчен пошлина кертергә мөмкиннәр
Чаллыда "Сабан туе гүзәле" җиңүчесенә нинди бүләк тапшырылачагы мәгълүм булды

Җәмгыять

Мәскәүдә туучылар саны якынча 8 процентка кимегән

17 октябрь 2017, 11:57

Агымдагы елның гыйнвар-сентябрь Мәскәүдә 101 мең 344 сабый туган.

(Казан, 17 октябрь, "Татар-информ"). Агымдагы елның гыйнвар-сентябрь айлырында Мәскәүдә 101 мең 344 яңа туган бала теркәлгән. Бу күрсәткеч, былтырның шушы чоры белән чагыштырганда, 7,8 процентка кимрәк. Бу хакта “Интерфакс”, ил башкаласының ЗАГС идарәсенә сылтама ясап яза.

Шул ук вакытта беренче өч квартал дәвамында Мәскәүдә әтисе яки әнисе чит ил кешесе булган 12 мең 666 бала туган. Бу гомуми туучылар санының 12,5 процентын тәшкил итә.

Соңгы берничә елда башкалада туучылар саны тотрыклы рәвештә артып барган. Мәсәлән, 2016 елда шәһәрдә рекордлы 146 мең бала туган.

Шуның белән бергә Мәскәүдә үлүчеләр саны да кимегән: гыйнвар-сентябрь айларында 89 мең 28 кеше үлгән. Бу - 2016 елның беренче тугыз аена караганда, 2,4 процентка түбәнрәк күрсәткеч. Шуларның 1,5 проценты чит ил гражданы булып тора.

Ел башыннан Мәскәүдә язылышучылар саны 4,6 процентка артып, 71 мең 542гә җиткән. Ә парның берсе чит ил гражданины булган никахлар 10 мең 44 теркәлгән, яки 14 процент өлешне алып тора.

Аерылышучылар саны да 3,4 процентка арткан - 33 мең 38 пар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10