ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
22 июльнең төп вакыйгалары - фото һәм сылтамалар
Баулыда хоккей йолдызлары тәрбияләнә
Әлки районынының “Хузангай” җәмгыятенә 20 ашлык уру комбайны кайтты
Казанда 350дән артык кеше триатлон ярышларында катнашты
Алдагы көннәрдә Башкортстанда һава температурасының кискен төшүе көтелә

Фән һәм мәгариф, Хәвеф-хәтәр

Красноярск укучысы дәрес вакытында үлгән

17 октябрь 2017, 10:40

Ун яшьлек укучының физкультура дәресендә хәле начарая.

(Казан, 17 октябрь, "Татар-информ"). Ун яшьлек укучы сишәмбе көнне иртән Красноярск мәктәпләренең берседә узган физкультура дәресе вакытында вафат була, дип яза РИА Новости, әлеге төбәкнең Тикшерү комитеты идарәсе вәкиле Ольга Дегидь сүзенә сылтама биреп.

"Беренче мәгълүматларга караганда, бүген көндез 12нче номерлы мәктәптә физкультура дәресе вакытында йөгереп йөргән малайның хәле начарая. Бала егыла һәм аңын югалта, аңа мәктәпнең медицина хезмәткәре ярдәм күрсәтә, ашыгыч ярдәм бригадасы чакырыла. Әмма, реанимацион ярдәмгә карамастан, бала вафат була. Анда йөрәк-кан тамырлары авыруы булырга мөмкин”, — диде Дегидь.

Аның сүзләренә караганда, әлеге факт буенча тикшерү башланган. Тикшерүчеләр баланың медицина картасын өйрәнә. Үлем сәбәбен ачыклау өчен суд-медицина экспертизасы билгеләнгән.

Элегрәк Мәгариф һәм фән министры Ольга Василева Федерация Советында үткән утырышта 2016-2017 уку елында Россиядәге физкультура дәресләрендә 211 мәктәп укучысы үлүе турында хәбәр итте. Вице-премьер Виталий Мутко соңрак бу проблеманы өйрәнергә вәгъдә бирде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10