ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Алексеевск районында җиңел автомобиль юл читенә очкан һәм әйләнеп капланган
Балыкчылар Лаеш районында елгада баткан чит ил автомобилен видеога төшергән
Россиядә чит илдән интернет аша әйбер сатып алган өчен пошлина кертергә мөмкиннәр
Чаллыда "Сабан туе гүзәле" җиңүчесенә нинди бүләк тапшырылачагы мәгълүм булды
Сургут татарлары "Батырлар уены" этноспорт фестивале уздыра

Җәмгыять

Россиялеләр фикеренчә, гаиләне ир-ат тәэмин итәргә тиеш

17 октябрь 2017, 10:15

Бу хакта Бөтенроссия җәмәгатьчелек фикерен өйрәнү үзәге үткәргән сораштыруда ачыкланган.

(Казан, 17 октябрь, "Татар-информ"). Россиялеләрнең күпчелеге гаиләдә матди тәэмин итү өчен ир-ар җаваплы, дип саный. Моны Бөтенроссия җәмәгатьчелек фикерен өйрәнү үзәгенең (ВЦИОМ) сораштыру нәтиҗәләре күрсәтә.

"Гаиләне ашатучы турында сүз чыкканда, сораштырылучыларның 54 проценты җаваплылыкны ир-атка йөкли, ә нибары 1 процент респондент кына бу эш хатын-кыз өстендә, дип белдерә. Калган 43 процент кеше фикеренчә, акчаны өйгә ир дә, хатын да алып кайтырга тиеш", - диелә Бөтенроссия җәмәгатьчелек фикерен өйрәнү үзәге хәбәрендә.

ТАСС язып чыкканча, ир белән хатынның йорт эшләре буенча вазифалары тигез булырга тиеш – бу хакта 74 процент респондент белдерә. Ә 84 процент кеше балалар тәрбиясе гаиләнең ике вәкиле өстендә дә, дип уйлый.

Сораштыруда балигъ булган 1,8 мең россияле катнашкан, ул 1-3 октябрь көннәрендә узган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10