ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
КФУ эксперты: Казанда яхшы һава торышы пәнҗешәмбегә кадәр сакланачак
Алексеевск районында җиңел автомобиль юл читенә очкан һәм әйләнеп капланган
Балыкчылар Лаеш районында елгада баткан чит ил автомобилен видеога төшергән
Россиядә чит илдән интернет аша әйбер сатып алган өчен пошлина кертергә мөмкиннәр
Чаллыда "Сабан туе гүзәле" җиңүчесенә нинди бүләк тапшырылачагы мәгълүм булды

Икътисад

Иннополиста тау чаңгысы курорты булдыру турында уйланалар

16 октябрь 2017, 09:51

Бу хакта Иннополис мэры Руслан Шаһгалиев җиткергән.

(Казан, 16 октябрь, "Татар-информ”, Оксана Романова). Иннополиста шәһәрнең сыйфатын үстерү этаплары барышында кунакханә комплексы һәм тау чаңгысы курорты булдыру турында фикер алышалар.

Бу хакта Иннополис мэры Руслан Шаһгалиев Иннополиста I Россия яшь архитекторлар биенналесы кысаларында “Архитектор һәм заказчы: хезмәттәшлекме әллә көрәшме?” дип исемләнгән дискуссия барышында җиткерде.

“Хәзерге вакытта безнең арендалы торак тулы – болар 16 йорттагы 840 фатир, шунлыктан без хәзер яңа торак кварталы төзибез. Моннан тыш, безнең әле планнар зурдан. Базаны үстерәчәкбез – яхшы кунакханә комплексы төзергә телибез. Әлегә бер хостел бар, әмма ул барлык теләге булганнарны да сыйдыра алмый, бәйрәм көннәрендә исә биредә халык ике-өч тапкыр арта. Без Иннополистагыларның үзләрен уңайлы итеп тоюларын, ә кунакларның бездә теләп тукталуларын телибез. Шулай ук үзебезнең тау чаңгысы курорты булдыру турында да хыялланабыз. Моннан ерак түгел берәү бар, әмма үзебезнеке булса яхшырак. Шәһәр бюджеты өчен дә бу яхшы керем бит”, – дип аңлаткан Руслан Шаһгалиев.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10