ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
“Балкыш” фестивале лауреатлары Филармония бакчасында хәйрия концерты уздыра
Татарстан баш приставы урынбасары итеп Әнвәр Закиров билгеләнде
Татар дәүләт филармониясе хәйрия концертларында бер миллион сумнан артык акча җыярга уйлый
Казанда дөнья чемпионатында 200гә якын халык фольклор коллективы чыгыш ясаячак
Әлмәт районында “КАМАЗ” һәм “БМВ” бәрелешкәннән соң төшерелгән видео барлыкка килде

Татар дөньясы

Марий Элда иң яхшы фольклорчыларны сайлыйлар

16 октябрь 2017, 07:29

Йошкар-Ола шәһәрендә "Хәзинә" татар гореф-гадәтләре һәм йолалары төбәкара конкурс-фестивале узачак.

(Казан, 16 октябрь, "Татар-иформ", Лилия Локманова). 21 октябрьдә Йошкар-Ола шәһәренең Республика Татар мәдәнияте үзәгендә "Хәзинә" татар гореф-гадәтләре һәм йолалары төбәкара конкурс-фестивале узачак.

Марий Эл Республикасы татар милли-мәдәни автономиясе, Марий Элның "Татар мәдәнияте үзәге" дәүләт автономияле мәдәни учреждениесе тарафыннан оештырыла торган бәйге сәләтле иҗади төркемнәре ачыклау, татар халкы фольклорын саклап калу һәм үстерү, милли традицияләргә, татар халкы мирасына мәхәббәт уятуны максат итеп куя.

Оештыручылар хәбәр итүенчә, фестиваль-конкурс ике турда узачак. Беренчесе төбәк сайлап алу туры булса, икенче турда конкурстантларның чыгышларын караячаклар.

Вокал буенча катнашучыларга 18-36 яшьлек һәм 37 яшьтән олырак категориягә бүлеп бәя бирәчәкләр. Хореография буенча 35 яшькә кадәр һәм 35 яшьтән өлкәнрәк яшь төркеменә караучылар катнашуга хокуклы. Шулай ук төркемнәрнең 15 кешедән артмаган булуы да шарт. Халык инструментлары номинациясендә 18-36 яшьлекләр һәм 37 яшьтән өлкәнрәкләргә бүлеп бәя биреләчәк.

Фольклор коллективлары жюри хөкеменә театральлештерелгән тамаша тәкъдим итәргә тиеш була. Аның дәвамлылыгы 10 минуттан артмаган булуы шарт. Бәет һәм мөнәҗәт әйтүчеләргә яшь ягыннан чикләүләр юк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10