ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Урман атнасы-2017” республика табигатьне саклау акциясенә Лаеш районы да кушылды

15 октябрь 2017, 07:00

“Лаеш урманчылыгы” ГКУ хезмәткәрләре һәм Лаешның 3нче гомумбелем бирү мәктәбе укучылары Каманың Ак таулар янындагы урманын чистарттылар.

(Лаеш, 15 октябрь☺, "Татар-информ", "Кама ягы").Татарстанда 7сеннән 16 октябрьгә кадәр “Урман атнасы-2017” республика табигатьне саклау акциясе үтә. Аңа Лаеш районы да кушылды.

“Лаеш урманчылыгы” ГКУ хезмәткәрләре һәм Лаешның 3нче гомумбелем бирү мәктәбе укучылары уртак тырышлык белән Каманың Ак таулар янындагы урманын чистарттылар.

-Без бүген 112нче кварталда 5 гектарлы мәйданда эшлибез, - дип сөйли Лаеш участок урманчылыгы урман мастеры Николай Чукуров. – Бер сәгать эчендә ике арба чүп-чар җыйдык инде, ә бу 8 куб! Ял итүчеләргә һәм монда яшәүчеләргә табигатькә сакчыл карарга кирәк.

Зур пакетларга шешәләр, каплар, конфет кәгазьләре, консерв банкалары... җыйган укытучылар һәм укучылар да шул хакта әйтәләр.

-Ял итәргә машиналар белән киләләр, кире киткәндә чүп контейнерлары яныннан үтәләр бит – ни өчен чүпне шунда салмаска? – дип ризасызлыгын белдерә сыйныфташлары белән бергә Урман атнасында катнашкан Алексей Андреев - Без ел саен монда җыештырабыз һәм ел саен шул ук күренеш. Туган ягыбыз табигатен сакларга кирәк.

Малайлар трактор арбасында зур пакетларны алалар һәм бушаталар. Менә тиздән ул тулачак, ә эшнең иге-чиге күренми әле...

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10