ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Татарстан Президенты Испания Корольлегенең Россиядәге Илчесе белән очрашачак
Чирмешәндә сарыкларны "электрон көтүче" саклый
Рөстәм Миңнеханов "Автодор" башлыгы белән Татарстан юллары турында сөйләште
Хәләл сәүдә кагыйдәләрен бозган өчен, "Челны-мясо"да хәләл продукция җитештерү туктатыла
"Татар кызы-2018" республика сайлап алу турының җиңүчесе билгеле

Җәмгыять

Апаста “Хезмәткә чакырылучының хокуклары“ темасына зона киңәшмәсе узды

13 октябрь 2017, 03:00

Булачак солдатларга хәрби комиссар һәм кеше хокуклары буенча вәкаләтле вәкиле белән турыдан-туры аралашу мөмкинлеге дә тудырылды.

(Апас, 13 октябрь, “Татар-информ“, "Йолдыз", Ләйлә Шиһабиева). Көзге чакырылыш башлану уңаеннан һәм халыкка хокукларын белергә ярдәм итү максатыннан, Апас районына Татарстан Республикасының хәрби комиссары Сергей Погодин, Татарстан Республикасының кеше хокуклары буенча вәкаләтле вәкиле Сәрия Сабурская килде, дип яза район газетасы

Район мәдәният йортында Апас, Кайбыч, Буа, Югары Ослан, Чүпрәле, Кама Тамагы, Тәтеш районнары хәрби комиссарлары, көзен хәрби хезмәткә китүче егетләр һәм аларның әти-әниләре, “Яшь армиячеләр“ катнашында “Хезмәткә чакырылучының хокуклары“ темасына зона киңәшмәсе узды. Киңәшмәне район башлыгы урынбасары Марат Нуриев алып барды.

Чыгышларда солдат тормышы, аларның хокуклары, кораллы көчләр төрләре турында тулы мәгълүматлар яңгырады. Булачак солдатларга хәрби комиссар һәм кеше хокуклары буенча вәкаләтле вәкиле белән турыдан-туры аралашу мөмкинлеге дә тудырылды.

- Сездә яшь буынга хөрмәт зур. Бүген элиталы хәрби частьларда хезмәт итәргә теләк белдереп күп кенә егетләр мөрәҗәгать итте. Солдат хезмәте ул – тормышка әзерли. Һәм ул сезгә тормышыгызда гомер буе ярдәм итәчәк, - диде Сергей Погодин.

Чарага хәрби хезмәт юлын намус һәм горурлык белән узган Кызыл Тау егете Фаил Кәримов һәм Болынбалыкчыдан Анис Гобәйдуллин да килгән иде. Алар да читтә узган бер елның тормышка әзерләвен билгеләп уздылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10