ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Җәмгыять

Путин дәүләт хезмәтенә керү белән бәйле стаж таләбен йомшартты

12 октябрь 2017, 18:11

Югары вазифаларга дәгъва кылучыларга дәүләт структурасында яки белгечлек буенча дүрт еллык стаж җитәчәк.

(Казан, 12 октябрь, "Татар-информ"). Россиядә федераль дәүләт хезмәте вазифасына дәгъва кылучыларга стаж таләпләре йомшартыла. Әлеге боерыкны пәнҗешәмбе Россия Президенты Владимир Путин имзалаган. Документ хокукый мәгълүмат рәсми порталында урнаштырылган, дип хәбәр итә “Известия”.

Боерык буенча, югары вазифаларга дәгъва кылучыларга дәүләт структурасында яки белгечлек буенча эшләгән дүрт еллык стаж җитәчәк, элек исә җиде яки алты ел кирәк булган.

Төп вазифага керешүчеләр өчен стажга таләп дүрт елдан ике елга кадәр киметелә. Моннан тыш, әгәр кандидатның белгеч яки магистрлык буенча кызыл дипломы булса, югары уку йортын өч ел элек кенә тәмамалау шарты белән аңа бер ел да җитәчәк.

Боерык элек таләп ителгән дәүләт хезмәтенең әйдәп баручы белгечлек вазифасына кандидатлар өчен ике еллык стажны тулысынча гамәлдән чыгара.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10