ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Татарстан Президенты Испания Корольлегенең Россиядәге Илчесе белән очрашачак
Чирмешәндә сарыкларны "электрон көтүче" саклый
Рөстәм Миңнеханов "Автодор" башлыгы белән Татарстан юллары турында сөйләште
Хәләл сәүдә кагыйдәләрен бозган өчен, "Челны-мясо"да хәләл продукция җитештерү туктатыла
"Татар кызы-2018" республика сайлап алу турының җиңүчесе билгеле

Җәмгыять, Татар дөньясы

"112" хезмәтендә шалтыратуларны кабул итүче операторларның яртысы татарча яхшы белә

12 октябрь 2017, 15:37

Хезмәттә абонентларга татар, рус һәм инглиз телләрендә җавап бирәләр.

(Казан, 12 октябрь, “Татар-информ”, Гөлнар Гарифуллина). 112-системасының шалтыратуларны кабул итү үзәгендә абонентларга татар, рус һәм инглиз телләрендә җавап бирәләр. Бу хакта бүген “Татар-информ” агентлыгында узган матбугат конференциясендә сөйләделәр.

“112 ашыгыч шалтыратулар хезмәте” директоры Ольга Лозовая “Татар-информ” агентлыгы хәбәрчесенә операторларның 50 проценты ике телдә сөйләшүен әйтте. “Оешмада 69 оператор эшли, шуларның 35ләбе татарча яхшы белә”, – дип бедерде Ольга Лозовая. Аның әйтүенчә, татарча аңламаганнары татар телле операторга тоташтыра ала. “Татар теле белән бернинди проблема юк”, – ди ул.

Татарстан буенча Гражданнар оборонасы һәм гадәттән тыш хәлләр министры урынбасары Олег Степущенко татар, инглиз, рус телләреннән тыш, ихтыяҗ булганда башка телләрне белүче операторлар да эшкә җәлеп ителүен белдерде. Әйтик, дөньякүләм ярышлар, чемпионатлар вакытында немец, португал телләрендә дә шалтыратулар булган. “Конфедерацияләр кубогы вакытында чит ил кешеләреннән 94 шалтырату кабул ителде, бу әле татар, рус, инглиз телләреннән кала”, – диде министр урынбасары.

Мөрәҗәгатьләрнең гомуми статистикасына карасак, 2014 елда – 1,6 миллионнан артык, 2015 елда – 2 миллионнан артык, 2016 елда – 1,8 млиллионан артык, 2017 елның 9 аенда 1,4 миллионга якын шалтырату кабул ителгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10