ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
23 июньнең төп вакыйгалары - фото һәм сылтамалар
Ык буе авыллары Сабан туе батыры билгеле булды
Р.Миңнеханов "хәләл" продукциянең җитештерү таләпләренә тәңгәллеген тикшерергә кушты
Казанда Каюм Насыйри турында китап тәкъдим ителде
Журналист Наил Алан туган авылында җирләнде

Мәдәният

"Бәрмәнчек" ансамбле танылган керәшен җырларын этно-рок-фолк юнәлешендә башкарачак

11 октябрь 2017, 18:37

"Бәрмәнчек" керәшен дәүләт фольклор ансамбле IX яңа сезонын Габдулла Тукай исемендәге Татар дәүләт филармониясе сәхнәсендә ача.

(Казан, 11 октябрь, «Татар-информ», Рузилә Мөхәммәтова). “Бәрмәнчек” керәшен дәүләт фольклор ансамбле танылган керәшен җырларын этно-рок-фолк төркеме белән берлектә, яңача эшкәртеп, тәкъдим итергә җыена. “Бәрмәнчек” ансамбле яңа сезонын “Хмельная ворга” этно-рок-фолк төркеме катнашындагы проект белән ача.

Коллективның яңа программасы турында “Татар-информ”га “Бәрмәнчек” керәшен дәүләт фольклор ансамбле директоры Артур Поляков сөйләде. “Беренче бүлеккә нагайбак фольклорын чыгарабыз. Аларның казакларны сугышка озату, каршы алу күренешләрен күрсәтәбез. Ә икенче бүлектә “Хмельная ворга” этно-рок-фолк төркеме белән бергә эшлибез. Керәшен халык җырларын яңа эшкәртүдә тәкъдим итәбез, – ди ул. – Әлеге юнәлештәге берничә композицияне “Питрау”да күрсәтеп караган идек. Яшьләр яхшы кабул иткәч, без дәвам итергә булдык”.

Программаның режиссеры – Илдар Хәйруллин. Ансамбль аның белән беренче тапкыр гына эшләми.

“Бәрмәнчек” керәшен дәүләт фольклор ансамбле IX яңа сезонын 31 октябрьдә Габдулла Тукай исемендәге Татар дәүләт филармониясе сәхнәсендә ача. Башлана – 18.30 сәгатьтә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10