ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Япониядә су басу аркасында һәлак булучылар саны 222гә җиткән
Казан Башкарма комитетының элеккеге хезмәткәре А.Рыбушкин ирегеннән мәхрүм ителгән
Дәүләт Думасында футбол буенча Россия җыелмасын бүләкләргә җыеналар
Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә
Суд татарстанлылар өчен электр энергиясенә тарифлар артуга юл куймады

Җәмгыять

Россиянең биш төбәгендә грипп һәм ОРВИ белән авыручылар эпидемия чигеннән бераз арткан

11 октябрь 2017, 16:09

Роспотребнадзор авыручылар саны аз дип билгеләгән, ә Сәламәтлек саклау министрлыгы Росия халкының яртысына прививка ясатырга ниятли.

(Казан, 11 октябрь, "Татар-информ"). Грипп һәм тын юлларының кискен вируслы инфекциясе белән авыручылар саны Россиянең биш төбәгендә генә бераз эпидемиология чигеннән арткан. Кулланучылар хокукларын яклау һәм кеше иминлеге өлкәсендә күзәтчелек федераль хезмәте грипп һәм ОРВИ белән авыручылар саны ил буенча аз дип билгеләгән. Бу хакта ТАСС хәбәр итә.

“Тулаем алганда Россия территориясендә грипп һәм ОРВИ белән авыручылар саны түбән дәрәҗәдә”, - дип билгеләп үткәннәр ведомствода. Бераз үсеш Россиянең ике субъектында ике яшькә кадәрге, дүрт субъектында өчтән алты яшькә кадәрге балалар арасында күзәтелгән.

Моннан тыш, Кулланучылар хокукларын яклау һәм кеше иминлеге өлкәсендә күзәтчелек федераль хезмәте мәгълүматлары буенча, хәзерге вакытта Россиядә грипптан 33,2 млн кеше, шуларның 8,9 млны балалар, прививка ясаткан. 2017 – 2018 елда Сәламәтлек саклау министрлыгы Росия халкының яртысына прививка ясатырга ниятли.

Искәртеп үтик, Бөтендөнья сәламәтлек саклау оешмасы мәгълүматлары буенча, сезонлы гриппны һәр ел планетаның 3 млнан 5 млнга кадәр халкы авыр формада кичерә, 250 меңнән ярты миллионга кадәр кеше үлә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10