ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Җәмгыять

Сәламәтлек саклау министрлыгы хөкүмәтнең даруларны кибеттә сату турында йөкләмәсен өйрәнә

6 октябрь 2017, 11:46

Бу очракта контрафакт препаратлар кермәвенә безнең ышаныч булырга тиеш.

(Казан, 6 октябрь, "Татар-информ"). Россия Сәламәтлек саклау министрлыгы хөкүмәтнең даруларны кибетләрдә һәм супермаркетларда сату турындагы йөкләмәсен өйрәнә. Бу хакта җомга көнне журналистларга идарә тармагы башлыгы урынбасары Сергей Краевой җиткерде, дип хәбәр итә ТАСС агентлыгы.

"Әлеге йөкләмә буенча эшлибез. Беренчедән, контрафакт препаратлар кермәвенә безнең ышаныч булырга тиеш. Икенчедән, сатучыларның намуслы булуы. Өченчедән,исәпкә алу эше көйләнергә тиеш", – дигән ул.

Министр урынбасары шулай ук, тулаем алганда, идарә тармагының даруларны сатып алу урыны киңәюенә каршы булмавын җиткергән. Ләкин, табибларның “зыян салма” принцибы сакланырга тиеш, дигән ул.

Искәртеп үтик, август ахырында Россия вице-премьеры Игорь Шувалов даруларны супермаркетларда сату турындагы мәсьәләне өйрәнүне йөкләгән иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10