ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Хәвеф-хәтәр

Лаеш районы ЮХИДИ хезмәткәрләре яшь велосипедчыларны юл кагыйдәләрен үтәргә өнди

6 октябрь 2017, 02:00

Быелның сигез аенда район юлларында велосипедчылар катнашында алты һәлакәт булган.

(Лаеш, 6 октябрь, "Татар-информ", "Кама ягы"). Лаеш районы ЮХИДИ хезмәткәрләре хәбәр иткәнчә, быелның сигез аенда район юлларында велосипедчылар катнашында алты һәлакәт булган, шуларның бишесе яшүсмерләр катнашында.

Шул ук вакытта алар машина юлында караңгыда йөриләр, киемнәрендә яктылык кайтаручы элементлар, ә велосипедларында фонарьлар да булмый.

Моннан тыш балалар юл йөрү кагыйдәләренең берсен бозалар, аңа ярашлы төстә юлга велосипед белән 14 яшь тулгач кына чыгарга ярый. Моның мисалы велосипедчы-яшүсмер белән Лаешта булган очрак.

26 Партсъезд һәм Окунев урамнары арасында ике көпчәкле ат һәм җиңел машина бәрелешә.

Юлны үтү иминлегенә инанмаган Лаешның 2нче мәктәбе 2 сыйныф укучысы чаттан машина юлына чыга һәм зыян күрә.

Чит ил машинасы йөртүче сүзләре буенча, балалар велосипедларда куыш уйныйлар. Малайның артка карап килүен күргән шофер тормозга баса. Укучы педален әйләндерүен дәвам итә, артка борылып куып килүчегә карый, машинаны күрми һәм аңа килеп бәрелә.

Һәлакәт нәтиҗәсендә баланың уң аягы сына.

Лаеш районы ЮХИДИ хезмәткәрләре яшь велосипедчыларны юл хәрәкәте кагыйдәләрен үтәргә өнди.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10